عاوزة يا جماعة احكى عن يوم جميل بيحصل معايا مرة واحدة او مرتين فى رمضان
وهو القيام بالاشتراك فى تنظيم فطار جماعى للمدرسة إلى بشتغل فيها
احساسك انك بتكون مجند لخدمة 180 فرد فى يوم واحد دا احساس رائع وبيعمل حالة من تجديد الطاقة بداية من تحديد الأعداد عدد الوجباب يعنى وتنظيم المكان والفراشة واليفت على الترابيزات باسماء كل اسرة واحضار الوجبالت من الطعم ورص الوجبات وشكل المكان كله مع بعضه ومع الإضاءة وشكل زجاجت المياة الغازية الملومنة بالأسود والاصفر والاخضر على الترابيزات المفروشة بمفارش بيضاء وكراسى حمراء مع صوت اناشيد دينية وبعدين صوت الإذان والإعلان عن الصلاة فى المكان الحدد ثم إقامة الصلاة وكان المكان تحول لمسجد ثم الانتهاء وبداية الفطور واحساسى بمتعة غريبة وانا بحاول اتواجد بين الناس على قدر استطاعتى وارحب بالضيوف أو الزائرين أو حتى الزملاء
ثم القيام بعمل برنامج فكاهى خفيف مع القيام ببضع فقرات ترفيهية بسيطة
والأحلى من دا كله روح الفريق وروح التعاون بين الأفراد وبعضها والإيثار بينا ورغبة كل فرد بتقدم أفضل ما عنده فى اليوم دا
المهم انا بس حبيت اشاركوم معايا فى يوم من حياتى
3 comments:
جميل جدا
رمضان بيحب التجمع
و لذلك تشعرين بسعادة غامرة في هذا اليوم
ربنا يجعل كل ايامك سعادة دائمة
همسة
دة عنوان البلوجر الخاص بي ساكتب فية بوستين فقط لرغبتي في ذلك
فاتمني ان تزوhttp://rehamanter.blogspot.comرية و اتمني ان ينال اعجابك
بيتهيألى انا مشاركاكى الرأى جدااا لانى واحدة من اللى كان ليهم حظ وحضرو الفطار ده
بس بقى الاكل اللى فى الصورة ده مش هو اللى كلناه انتى كلتيه ولا ايه هههههههههههههه
بهزر طبعا يا فيفى انتى عارفة انا بحبك اد ايه وبحب انكشك
Fatima
Post a Comment