Thursday, September 20, 2007

ياترى لو شوفتنى .. هعرفنى




مرة واحدة صحبتنى سألتنى لو وانتى ماشية وشوفتى نفسك ادامك هتعرفى انها انتى
بئيت مش عارفة اجاوب
هل بصحيح لو شوفت نفسى ادامى هعرف انها انا
ولا هتعامل وانا مستغرباها ولا هكون مش عارفة
لاقيتو سؤال صعب اوى
وحسيت انو لوحصل مش هعرفنى
يمكن اشبه اه بس مش هعرفنى
يمكن علشان مثلا كل واحد فينا بيكوناحيانا يتمنى يكون غير كدا
يعنى مثلا انا ساعات لو حد رفيع كان يحب يبئا مليان شويا او سمرا كانت تحب تبئا بيضة
لو عنها سودا كانت تحب تبئا خضرا او لو عنها ملونة تحب كان يكون عينوها كحيلة
دا بس فى التغير الشكلى اما لو دخلنا فى التغير الداخلى
لو واحد متحفظ بيجيلو اوقات كتير كان يتمنى انو يكون متحرر
ولو متحرر اوى اوقتا كتير يتمنى ان تحصل المعجزة ويتغير
ولو بنت محافظة بيجلها اوقات وبتكون عاوزة تنطلق لولا القيود المحيطة والضمير احيانا

المهم لو شفتك نفسك فى الطريق العام هتعرفها ولا لأ .. ؟؟؟؟ جاوبنى

15 comments:

الأستاذ said...

كويس إني أول من يرد .. لكن ده مش أول بلوج يكتب كده .. لو حد شاف نفسه في حتة هل هيعرفها أو هيحبها؟ فعلاً سؤال صعب لكن إجابته فقط بيد الشخص المتسائل أقدر الناس بالإجابة من خلال هو بيأثر في الناس إزاي؟
شكراً واتمنى لك التوفيق في إيجاد نفسك ... يارب أنا كمان ألاقيها إن شاء الله

hamsaa said...

من سنوات بحثت عن هذه النفس و عندما وجدت خيوطها قررت اني اعتبرها بنتي الصغيرة اتكلم معاها في اوقات كتير اواسيها ،اعاتبها بحزم واعاقبها ، اتخذت معها قرارات غاية في العقل و لا يمكنني ان احكم القلب كي لا اخضع لها اذا كنت اعلم ان ما ستفعله سيؤذيني احتضنها و اضمها و اسمعها اجمل الكلمات كم اشعربها احيان كثيرة حزينة باكينة فاقفز اليها لاضع يدي عليها و ابتسم لها فتبتسم لنضع مشاكلنا في نقاط و ننتهي بابتسامة رضا انها نفسي التى علمتني و علمتها و التى اعترف انني اعلم عنها الكثير و الكثير اعلم قدرتها و ضعفها و حبها و كل ماتحاول ان تخفيه فلا تخفي الان اكثر مما تظهر لي
انا كمان بدلعها بشيكولاتة جميلة و زهور اضعها على وجنتي و مكالمات لتستمع الى من تحب و كتابات تحبها و هكذا لتحقق ما تتمناه و اتمناه هذا ليس بسهل ان نصبح اصدقاء او كالام و ابنتها و لكنه لازم جدا
و معكي اعترف ربما اوذيها و ربما اقسو عليها و لكني اختار ان اقسو عليها خشية من قسوة الزمان عليها ،علمتها ان علم اللوع اعظم كتاب في الارض لكن اللي يغلط فيه يجيبه الارض
اما الحقيقة فامرها ساهل لا تجلب مال و لا تصون عرض
عحبي ده جاهين
تحياتي اليكي و الى نفسك الجميلة يمكن لا تعلميها و لكن اذا بحثتي فانت اقدر الناس على معرفتها انتي فقط
همسه

Rosa said...

سؤال صعب بجد
حاولت افكر في اجابته كتير
بس لاقت اننا دايما بنكون فاكرين اننا نعرف نفسنا كويس .بس اكتشفت انه لا ماحدش يعرف نفسه ابدا
و انا لو شفتني ممكن اشبه و هتردد شويه و بعدين اعرفني
..........
مدونه جميله و رقيقه زي صاحبتها :)
تحياتي يا قمر و في انتظار المزيد

Anonymous said...

سؤالك صعب اوي يافيفي ومش لاقية إجابة عليه ويارب دايما تمتعينا بمدوناتك الجميلة اللي انتي مش مخلياني اعرف اقولك على حاجة فيهم مش عجباني لانهم كلهم عجبني اوي ويارب تلاقي حد يجاوب على سؤالك علشان نستفاد كلنا من الاجابة
كل سنة وانتي دايما متلألأة
أيوتة

Anonymous said...

فعلا سؤال صعب لكن يمكن لو كل واحد فينا دور جوا نفسه وعرفها قبل ما يشوفها فى الطريق اكيد هيعرفها لان نفسك اللى ممكن تشوفيها فى الطريق ممكن تكون واحدة صحبتك بتلاقى نفسك فيها او .... او وكما قال الحبيب المصطفى صلى الله عليه وسلم المؤمن مرآة اخيه يعنى بيشوف نفسه فيه اعتقد ان المقصود من كلامى وصل
عموما اتمنى لكى التوفيق
anashayf محمد

الأستاذ said...

شكراً للرد

الأستاذ said...
This comment has been removed by the author.
_ زين_ said...
This comment has been removed by the author.
_ زين_ said...

العزيزة أغاني الشتاء
لو شفت نفسي قدامي؟
إيه الفكرة الجامدة قوى دي..هايل.. هي دي الرمزية والسحرية.. ده من ناحية ومن ناحية تانية.. البوست ده عجبني جدا ببساطته وفكرته اللامعة جدا.. بس أنا لو شفت نفسى.. كده يعني مقابلني كده في الشارع.. هاأعمل إيه صحيح؟.. هاأقول مجنون قابل مجنون وسلمو على بعض.. سلموا إزاي بقى.. هو ده الكلام..!!
المهم إنهم يسلموا مش يكرهوا بعض.. لأني أعتقد أن ذواتنا منقسمة على شخصيات ذات أبعاد مختلفة رغم اشتباكها..
هايل مرة تانية..

تحياتي وتقديري

عندما انتهيت من صنع سفينتى..جف البحر said...

تحياتى للأستاذ إلى كان اول مرور ليه مرور كريم ومستنياه تانى

همسة الجميلى اوى مبروك عليك يا قمر انك لاقيتى خيوطها وخالى بالك اوى لفيوم من الأيام الخيط يفلت من اديكى وترجعى تتوهى تانى ونرجع ندووووووور معاكى




روز .. متعرفيش اد ايه مبسوطة بتعليقك لانك زى ما قولتك ليكى تأثير جامد اوى عليا المهم يا جميلة مش المهم انك هتترددى فى معرفة نفسك بس المهم النهاية انك هتعرفيها ودا المهم

شكرا يا ايوتة لمروك يا جميلة يا ديما متابعانى يا قمرة


مرسيه يا محمد على مرورك على مدونتى البسيطة

عندما انتهيت من صنع سفينتى..جف البحر said...

معلمى البعيد .. السلام النفسى والتصالح مع النفس هما دول اقرب طريقة لمعرفة ذاتك وذوات الاخرين
بس دايما احنا مش بنروح للطرق دى وبنسيب التلوث إلى بيغطى الجو يغطى نفوسنا كمان بيعمل زى السحبة السودا هى دى الى بتمنع الرؤية فبنكون مش عارفين هو دا انا ولا محبش اكون كدا ولو محبش اكون كدا ياترى بعمل ايه للتغير وهل مفيد التغير ولا قبول الذات كما هى كنز ومحاولة التأقلم على ملامحها الخارجية والداخية
شكرا ليك اوى

Anonymous said...

اعتقد انك عشان تتعرفى على نفسك لازم يكون حاصل نوع من السلام الداخلى واللى بيترتب عليه فهم الشخص لذاته ومن هنا لو شوفتنى هعرفنى أكيد لانى هكون حسانى وفهمانى كويس مش بس شكليا ومعنويا كمان
والعكس صحيح لو مفيش سلام داخلى وفى صراع يبقى معتقدش هتعرف على نفسى كويس بالعكس ممكن انتقده واكرها من غير معرف انها انا لانى فى الاساس فى حالة صراع معاها
fatima

عندما انتهيت من صنع سفينتى..جف البحر said...

كلام صح والله يافاطمة مهم اوى يكون فيه سلام نفسى بين الانسان ونفسه والمهم الاكتر اننا نعرف نوصله علشان نعرف بعض
مرسيه لمرورك يافاطمة ومستنياكى تانى

Anonymous said...

موضوع جميل فعلا يافيفى بس اكيد انا لو شفتنى هعرفنى طبعا لو لنل معرفتنيش مين هيعرفنى

انا طبعا محمود

Abdul Hamid said...

على فكره الجامعه تحتاج مساحه اكبر من ذلك بكثير