تصدقى انو اتأخر قوى .. يعنى كنت متوقعة يتصل بيا النهاردة او امبارح كدا ويفتكرنى ويقولى اخبارك ايه وبابا عامل ايه .. طيب هو كويس دلوقتى
يعنى نفسى بس مش عاوزة اركز علشان مزعلش
هى .. الوووو .. السلام عليكم
هو: وعليكم السلام ورحمة الله وبركاته
وتألقت عيناها من سرعة الاستجابة لتمنياتها
هو : ازيك
هى : الحمد لله
هو: اخبار بابا النهاردة ايه
هى : الحمد لله كويس عمل العملية الحمد لله
هو : انا اسف والله كنت مشغول اوى امبارح غصب عنى
ولسة خارج من الاجتماع دلوقتى وداخل تانى قولت الحق اطمن على بابا
هى : لا ولا يهمك
هو : طيب الدكتور قال ايه
هى : قال كويس والجرح كويس بس هى مسألة وقت
هو : طيب مالك صوتك متغير ليه انتى كويسة
هى : لا والله الحمد لله مفيش حاجة يمكن إرهاق بس من اليوم الطويل
هى : صحتك عاملةايه
هى : خالى بالك من نفسك ومن صحتك
هو : ربنا يخليكى يارب
لحظااااااااااااات صمت
هى : طيب اسيبك بئا علشان معطلكش عن شغلك
هو : طيب خالى بالك من نفسك .. انا هدخل اجتماع تانى ادعيلى بئا
هى : ربنا يصلح حالك
هو : ربنا يخليكى
هى : سلام
هو: سلام
هى : نظرت إلى صديقتها وتبسمت وأومئت برأسها باستغراب
8 comments:
القلوب عند بعضها...المهم إن الواحد لا تخذل توقعاته فى أحبائه...ومهما كانت الدنيا كلها بتسأل على الواحد..يفضل سؤال الأحبه له أثره وتألقه ...وننظل ننتظره
تحياتى لإحساسك الجميل
انتى دايما اجمل احساس بيقول لانك تعلمين ما بين سطورى
حبيبتى انت متألقة ..
كلمات بسيطة وعميقة في نفس الوقت. هل فعلا القدر يقف بجوار المجتهدين؟؟؟؟ لو تسمحي لي بتصويب لغوي صغير: أومأت أظنها تكتب هكذا. لكن هذا التصويب الصغير لم يخل بجمال النص وما به في نفس الوقت من كثير من الغموض المحرك للتأمل !!!!!!0
عميق تحيتي وخالص مودتي
ده مكنش تخيل انا بس ببقى مبسوطة لما بشوفك مبسوطة وده شئ انا بحس انه بيريحك حتى لو لفترة قوليلة عايزة اقولك ان عنيكى بتلمع وانتى بتكلميه
كثيرا مانمر جميعا بتلك الحالات في ظروف مشابهة بكل الاتجاهات ولكن .... الفارق والشيق في الموضوع هو التعبير عن تلك الأحاسيس التي تنتاب كل منا وقتها وهذا الشيء تحسدين عليه فاحساسك رائع ومرهف وواقعي جدا وأجمل مافيه البساطة والتفكير في كتابة هذا الموقف
وهذا أيضا يعكس شيء جميل جدا بداخلك فقده الكثيرون وهو الاحساس بالأخرين وقراءة مايدور بأذهانهم
أما الأهم فهو ادخال البهجة والسرور علي أي انسان أيا كان
أنتي ياسيدتي انسانة رائعة جدا وأنا سعيد بمعرفتك ولكي أطيب أمنياتي القلبيةولكي تحياتي
شيماء اجمل حاجة فى الموضوع انك انتى الى كنتى معايا وقتها
دكتور ضياء هل تعتقد انى فعلا من المجتهدين اتمنى انا كون منهم واشكرك على الصليح اللغوى ودمت طيبا دائما
استاذى الفاضل انا لا اعرف من انت وكنت اتمنى ان تترك اسمك ولكنى لا يهمنى من انت ولكن كل ما يهمنى كنت اريد فقط شكرك لكلماتك الرقيقة المهذبة والتى اود ان اكون استحقها بالفعل
حياتى لك
Post a Comment