أغنية اواخر الشتا ايه السبب الى خلاها تعلق معايا معرفش
ايه الى خلانى اسمعها اكتر من 10 مرات مرة واحدة معرفش
ايه الى خلانا اكتب عنها دلوقتى معرفش
بس كل الى عرافاه انها اكيد مست حاجة عندى جوا
مكونتش عارفة اعبر عنها عنها
يارب تحسوها زى ما انا حساها
والى مبيحبش السيا ميزعلش منى بئا
**** أواخر الشتا****
كنا فى اواخر الشتا قبل اللى فات
زى اليومين دول عشنا مع بعض حكايات
انا كنت لما احب اتونس معاه
انا كنت باخد بعضى واروحله من سكات
والناس فى عز البرد يجرو يستخبو
وانا كنت بجرى واخبى نفسى قوام فى قلبو
ولحد لما الليل يليل ببقى جمبو
وافضل فى عز البرد وياااه بالساعات
على سهوه ليه الدنيا بعد معشمتنا
وعيشتنا شويه رجعت موتتنا
والدنيا من يوميها ياقلبى عودتنا
لما بتدى حاجات قوام تاخد حاجات
وسط الشوارع ناس كتير مروحين
والناس ياقلبى هما هما وهو فين
وانا ماشيه بتلفت وبسأل كل يوم
بيعمل ايه دلوقتى وبيحلم بمين
4 comments:
حلوة أوي الأغنية يافيفي ومعبرة وأنا بحبها وبحب اسمعها مش عارفة ليه؟ بس هي أكيد لازم تأثر فيكي لانها بتتكلم عن أواخر الشتا وانتي اسمك أغاني الشتاء يبقى لازم فيه إرتباط جامد بين اسم اغاني الشتاء والاغنية
أتمنى لكي نهاية شتاء سعيد
آيوتة
اختيارك جميل ..
بعيدا عن انها لازم تكون بتأثر فيكي لانك زيي بتحبي الشتا و ده واضح من اسم المدونة
اجمل مابى الاغنية دى بالذات ان كلامها بسيط لدرجة فظيعة و بيوصف شجن مشاعر حزينة اوى
حقيقى الاغنية تستاهل و انت ذوقك حلو
دمتى بكل ود
حمد لله على السلامه
انت فعلا غبت كتير عننا
تحياتى
والله يا فيفي انا لسة مش سمعت الاغنية لكن واضح من كلماتها انها حلوة وتعليفك عليها هيخليني ادور عليها واسمعها
المهم حمدالله على السلامة انا كدا اطمنت عليكي وياريت بقى نشوف حاجة ليكي انت مش لاليسا
يلا باي وسلامي للعائلة جميعا
(ميدو)
Post a Comment