أى علم هذا الذى لم يستطيع حتى الأن أن نضع أصوات من نشتاق فى أقراص أدوية نتعاطاها سراً عندما نصاب بوعكة الاشتياق
هل يا جماعة دا ممكن يحصل بعد عشرة او عشرين سنة مثلا
؟؟؟؟؟؟؟
وهل لو دا حصل تفتكر احساس البشر هيكون ازاى
احسن ولا اجف من كداااااااا ولا ايه
وعذرا للانقطاع الفترة الى فاتت بس موجة الاكتئاب عدت على بتنا واهو بنحاول نخرج منها
وحشتونى عامة
14 comments:
إنتي اللي وحشتينا يافيفي ويارب تكوني بخير وسيبك من موجة الاكتئاب أنا ما بحبش الاكتئاب لاني بحس ان الانسان هو اللي بيضع نفسه فيه وهو برده اللي بيقدر يخرج نفسه منه يبقى ما لهوش لازمة من الاول على العموم موضوعك حلو أوي والبوست كمان جميل وحساس ومعبر بس مفيش علم هيقدر يعمل اللي انتي بتقولي عليه ده ولو تصورنا ان ده ممكن يحصل يبقى حاجة جميلة أوي وهيكون أحسن إحنا كلنا بنمر بوعكة الاشتياق بمن نحب وبنقعد نفكر فيهم وممكن نقدر نوصلهم وممكن لاااااا زي ما انتي شاغلة بالي ونفسي اشوفك أو أسمع صوتك ومش عارفة بس لو حصل وتحقق مشروع الاقراص ممكن بعد كدة نعد من مدمنين هذه الاقراص ومش هناكل ولا هنشرب غيرهاااااا
مع تمنياتي وحبي لكي
أيوتة
اتمنى ان يحدث هذا بالفعل
ان نستطيع ان نتناول كبسوله الاشتياق فتخفف عنا الامنا
ان نسمع اصوات اؤلئك الذين سكنوا عالمنا مره ثم لم يعودوا به
الذين لمسوا حياتنا ثم رحلونا
حتى من احببناهم ثم تركونا ككم مهمل
وابت علينا كرامتنا ان نسمع صوتهم من جديد
نأخذ الكبسوله نعيش الاحساس
نسكت بها الامنا وجراحنا
وحتى كرامتنا المبعثره
تحفظها لنا الكبسوله
لا ممكن يكون في طب بديل يعني اعشاب تسمي لمسة من ايد حبيب ممكن تساعدنا في تخفيف حدة الشوق هذه
لكن ممكن في حالات تانية تكون الكبسولة راحة البال من التفكير تماما
حمدلله على سلامتي مش ناويه تزوريني ولا ايه
همسه
حمدلله على سلامتك و ليكي وحشة كبيرة
يااااااااااااااه دا يبقى اكتر اختراع عبقرى فى الحياة... تفتكرى ممكن حد يكتشف اختراع زى كده ... يااااااريت
آه نفسى جدااااااااااا وموت
اسمع صوت جدتى الله يرحمه...
وجدى محمد اللى مش شوفته وجدى عمر
وخالى شريف الله يرحمهم كلهم
مش عارف، أنا شايف إن الوضع على ما هو عليه مثالي ، فالموجود مرفوض، والغائب نشتاق إليه ونعي قيمته اكثر، ويمكن فعلا زي ما أنت قلت:
وهل لو دا حصل تفتكر احساس البشر هيكون ازاى
احسن ولا اجف من كداااااااا ولا ايه
ولا ايه!!!!!0
ابعدي عن الاكتئاب يبعد عنك، أقربي منه تلاقيه يطول في القعده ويعشش جوه مخابئ نفسيتك.
تحياتي ودعواتي
ضياء
ايهما افضل الفاكه الجافة ام الطازجة
ايهما افضل لمس الحبيب ام تذكرة
ايهما افضل الوقوف تحت الشمس ام الوقوف داخل الشمس
اسهما افضل الطفوله ام الكهوله
توجد اشياء كثيرة في حياتنا ان تمكنا منها طوال حياتنا لن ستفقد قيمتها
تحياتي واتمنى ان لا توجد هذة الكبسولة
اية يا جميلة كنت فين من زمااااان وحشتينى متغيبيش عليااا تانى
من قوة الم الاشتياق احيانا والاحتياج احيانا اخرى . للبعيد والاكثر ايلاما عندما يكون اشتياقنا لقريب ولا نستطيع تخطى تلك المنطقة ،فهل لنا من سبيل
شيرين .. بس هنوصل فى الاخر ان كل دا مسكنات يا قمر مش هكذب عليكى فعلا بنحتاج حاجات تقلل حدة الضغط النفسى والم الكرامة الى بنخاف تهدر من ضعفنا احيانا. اهلا بيكى لمرورك ولاحساسك الجميل
همسة هجيلك اكيددددددد انا بس مشكلتى ان نت البيت عطلان شويا بس انا بموت فيكى والله
ويا همسة نتمنى اى علاج لالم الاشتياااااااااااااااق
كبسولة الاشتياق ، رائعة الفكرة ، وخيالية جدا ولا أظنها تتحق ولو بعد أكثر من 20 عام بكثير ،، وما نفعها حبيبتي ،، مسكن هي ، مجرد مسكن يعود الالم بانتهاء مفعول تلك الكبسولة الانيقة
حبيبتي تذكرت مشهدا ابدع فيه الكاتب يوسف معاطي والفنان القدير يحي الفخراني في مسلسل عزو ،، حين توفت امه -ماما نونا- وكيف كانت حالته وبما فكر ليقاوم الفراق ولوعة الاشتياق ، صنع لها دميه ولحسن حظه كان لديه تسجيلا بصوتها الذي لم يقوى على عدم سماعه لأيام بعد رحيلها ، واخفى المسجل الصغير بداخل الدمية وبمجرد انتهائة جلس امامها وضغط عليها لتنطق له باسمه وبالدعوات الحنونه وعبارات المداعبه الودودة جدا وبدا يبكي ،،
كان الالم يمزقه ويمزقني ايضا
حبيبتي ، لا كبسوله للإشتياق ؟ كبسولة لا تسكن ولا تعالج ولا تمحو الالم ،، لن توجد ... لن توجد ابدا
في لحظات خوفي اتمنى لو استطعت الاحتفاظ باصوات من احب على ذاكرة الكترونية ،، استدعيها حين يغلبني الم الشوق أو ،، اعاني معهم لوعة الفراق
ولكن الان وبعد الامعان ، لا اظنني سأحاول ذلك
تحياتي لك دوما
وعود حميد
علم الذكريات
هو الوحيد الذي الذي يمكنك من تذكر صوت المشتاق اليهم
عندما تصابين بوعكة اشتياق ملعونة
تحياتي
جميل اوى كلامك ده يافيفى
كل سنه وانتى طيبه والله مفتقدك
صديقك محمود
Post a Comment