زي ماهى حبها ..
بحلوها ومرها ..
بص لحبيبتك حبها ..
وزي ماهى حبها ...
لاحتآخد ايه ولاكام وليه ..ده العشق لو م القلب طالع ..
العمر حتى نضحى بيه ونغني للفجر اللى راجع ..
افتح خزاين ذكرياتك شوف الصور ..
والمس ضفاير بنت حلوة زى القمر..
ح تلاقي قلبك يرتعش حب وشجن ..
ويدوب يدوب بين الضلوع لو كان حجر..
تقدر تحقق امنياتك رغم المحن..
وتبقي قادر على الخوف والزمن ..
ف عيون تحبك تحضنك تنسى الخطر..
زى ما هى حبها
ح تلاقى اهلك .. ذكرياتك .. طعم الوطن..
.. لاحتآخد ايه ولاكام وليه..
ده العشق لو م القلب طالع..
العمر حتى نضحى بيه ونغني للفجر اللى راجع
برغم كل السلبيات والمشاكل والضغوط الى بنعشها لكنى بلاقى حنين وحب دفين وغريب ومها سخط على الظروف والاوداع الى عايشين فيها بلاقيها هى ضحية زينا كمان صورتها عمالة تبهت وتوحش كل يوم عن التانى واحنا بنتفرج او بنزودها او مبئاش فيه حاجة نعملها
الخلاصة انك لما بتحب حبيب بتحبها كل على بعضها مش بتعرف تفصل او مش بتعرف تشوف سلبياتها من ايجابيته او بتشوف بس مبتعرفش تكرهها
هى كمان كدا عندى بحبها بسلبيتها ممكن اكون غلط او صح بس هى كدا
7 comments:
لا مش غلط ودليل صدق كلامك
فى بيت شعر لبدر شاكر السياب العراقى بيقول فيه
الشمس أحلى فى بلادى من سواها
حتى الظلام ..أحلى هناك فى العراق ..ويارب أكون فاكرة البيت صح
أهو بدر شاف الشمس والظلام اللى فى كل مكان واحد أحلى فى بلاده..وكأن البلد هى من تمدهم بالجمال والحلوة
العزيزة أغاني الشتاء
مررت على مدونتك، وأنا عادة لاأمر في أغسطس، لكن أعمل إيه في نهى محمود اللي حببتني في أغسطس
فأنا الآن هارب بين الجبال البعيدة، لكني قرأت كلماتك، وقرأت بعض أفعالك المكتوبة في مدونتك، فقررت أن أحبها وأن أزورها دائما طالما أنا على قيد الحياة.
أرسلتي لي سؤالا الإجابة عليه لاتحتمل اجابتين، الحب لعنة يؤكدها التراث والأحاسيس، حتى إن لم يكن هناك تراث خلفه، عليكي أن تتأكدي جيدا من ذلك، فأنا أخاف من النخربه في الدي إن إيه الفكري والإنساني.. لي عودة إليك بعد أن أترك هذه الجبال
تحياتي ومودتي ويسعدني تواصلك الجميل
ياااااااااه
إضافة ليا بكل المقايس ان الكلام البسيط الى انا كتباه عجب حضرتك او حتى على الأقل لفت نظرك وشدك انك تعلق ليا
إذا كنت كتبتلى لمجرد التشجيع فشاكرة ليك والدعم من إنسان زيك شئ جميل وإذا كان الكلام بتاعى عجبك بجد فأنا مبسوطة اوى ويارب اقدر اكلم على نفس المستوى او احسن وبنفس الاحساس بردو
ياااااااااه
إضافة ليا بكل المقايس ان الكلام البسيط الى انا كتباه عجب حضرتك او حتى على الأقل لفت نظرك وشدك انك تعلق ليا
إذا كنت كتبتلى لمجرد التشجيع فشاكرة ليك والدعم من إنسان زيك شئ جميل وإذا كان الكلام بتاعى عجبك بجد فأنا مبسوطة اوى ويارب اقدر اكلم على نفس المستوى او احسن وبنفس الاحساس بردو
عزيزتي الجميلة ايمي اختيارك لمثل هذه الأعنية الجميلة المليئة بالاحاسيس الدافئة فابالفعل عندما يحب الانسان أي شئ بيحبه زي ماهو بحلوه وبمره ومع ذلك بيكون مبسوط بالحب ده لأنه هو عايز هذا الحب ويتمنى أن يدوم الى نهاية العمر كذلك الحياة بالرغم من انها مليئة بالمتاعب والمشاكل وغيرهاوأيضا مليئة بالحب والحنان والجمال وغيرها الا ان الانسان بيحبها زي ما هي بل يزداد حبه لها لأن أجمل ما في الحياة انها لا تسير على وتيرة واحدة وهذه حكمة الله في الكون وان الله سبحانه وتعلى دائما يعطينا احساس بالرضا عن حياتنا ومع احترامي وحبي لدكتور زين ان الحب أجمل شئ في الوجود فالانسان لايستطيع الحياة بدون حب وان كان الحب لعنة فهو أجمل لعنة تحياتي آية سعودي
تسلمى ليا يا اية ويسلم كلامك الى من جو اوى ونورتى مدونتى البدائية ويارب اكون بسببلك متعة ولو بسيطة وانتى بتشوفى البلوج بتاعى لانو لنك لو محصلش الفة بينك وبينه اكيد مش هتعدى عليا تانى ... مستنياكى يا جميلة
مستحيل يكون الشعور دى غلط لان الإنسان اللي بنحبو في عنينا أحسن إنسان في الدنيا و شي طبيعي نشوف فقط إيجابياتو بس المشكلة إن احنا لو صادفتنا مشاكل خلتنا نعرف سلبياتو ديما بنزعل منو و نعتبرو غلطان و كمان بنتهمو إنو خبا علينا لكن الحقيقة ان احنا اللي خبينا على أنفسنا و دي مش ممكن تكون خيانة
Post a Comment