الأن وبعد طول غياب
من زمان اوى مجتش هنا ولا حتى فكرت وليه مش عارفة بئيت بعيدة عن التدوين وعن مدونتى الى هى كانت فى يوم من الأيام حاجة اساسية جدا انى اجى فيها
يمكن انا مش بتابع المدونات الاخرى ودا عيب خطير لانو من المهم المتابعة علشان انا كمان الاقى الى يتابع واوقات كتير ردود الناس هى الى بتخلى الواحد يفكر يرجع ويكتب تانى وتانى وتانى ..
المهم مش دا موضوعنا خالص
من مدة كبيرة وفيه كذا حاجة عمالة تلح عليا وهى معنى الحرية
حاسة انى عاوزة اكون حرة
حاسة انى نفسى اطير
اطير من كل حاجة تعبانى من ظروفى من المواقف الى بضايقنى
من الناس الى احيانا عملين انك مهم جدا فى حياتهم وفجأة يأكدو لك انك عمرك ما كنت مهم
اطير من إحساسى بالعجز إنى مش عارفة احقق احلامى البسيطة جدا
انى اجرى تحت المطر
أو ابكى بالدموع ادام حد
اطير من إحساسى بإنى مثلا نفسى ارقص لما اسمع مزيكا ومش بقدر
اطير من إحساسى بإنى نفسى اركب حصان واجرى بيه لبعيد اوى ويحضنى الهوى بلسعته ورقته ويطير شعرى ويرمى شالى على الأرض
أطير من إحساسى بإنى عاوزة ادخل اى كافيه واكون لوحدى واشرب نسكافيه واخرج من غير ما اكون محتاجة يكون معايا حد
محتاجة اطير من حاجات كتير اوى
أطير كمان من إحساسى بالصمت لمجرد الحفاظ على شعور الاخرين لكن احساسى انا عادى انو ينجرح وينزف ومحدش ياخد باله
ولكن فى النهاية الحقيقى ان مفيش طيران غير لو عندى جناحين
1 comment:
الحره هى فعل كل شى تريدنه مع ملاحظة ان حريتك تنتهى عندما تبدأى بجرح الاخرين سواء جرح مادى او معنوى
( يعنى متعمليش زى علياء و تقولى انا حره مثلاّ)
شكراّ
Post a Comment