احيانا وبدون اى مقدمات بتهجمك احساس فيظيع بالغربة مع ان معاك ناس كتير حواليك وبيحبوك بس مش واخدين بالهم منك
وفى نفس الوقت اه الظروف هى هى وكل حاجة هى هى بس مرة واحد بتتجمع ادام عنيك كل حاجة مضايقاك فى حياتك
وكان بركان مستنى الوقت المحدد ليه او لأ مش الوقت المحدد ليه ولا حاجة هو بس محتاج الظروف او الموقف الى بسببه ينفجر
بيكون اد ايه الوضع صعب - لما تكون كل الدنيا هاينه عليك وتحس انك هاين على الناس كلها
وقتها بتختلط الاوراق بين الحقيقة وبين التخيلات
هل انت بتتخيل كدا علشان عاوز يزيد شعورك بالألم وعلشان يتعاظم احساسك بانك مظلوم وان الدنيا تعباك ولا هو فعلا بيكون فى جزء من خيالك دا حقيقى
اى كان الوضع بس الدخول فى الدايرة دى مؤلم اوى لأقصى درجة وانك تحاول تخرج منها بردوا بيكون صعب جدا لأقى درجة
الأسوء فى الموضوع عدم القدرة على التعبير - عدم القدرة عن التعبير عن نفسك عن ألمك عن وجعك عن أحساسك
متعودتش اقول بحس انى بألم الناس الى حواليا - - أو انا ااصلا مش بحب فكرة انى صعبانة علىحد مش بحب الاحساس دا - ولكن بيفرق طبعا لو قولت وحكيت واتكلمت
افتقاد الإنسان لحاجات كتير مهمة فى حياته غير معترف بيها بيزيد من الأحساس بالألم
فيه كلمة جميلة شوفتها مرة وهى حقيقة " ليس بالخبز وحده تحيا نفساوياتى
دى كانت شوية فضفضة بينى وبينى
3 comments:
والله يا فيفي انا موافقك في كل كلمة قولتيها واسم الموضوع جميل وان كان المقصود بالخبز مش الاكل وبس لكن من وجهة نظري الخبز المقصود بيه كل حاجة مادية يعني حتى لوكان الانسان ظاهر للاخرين انه يتمتع بكل شيء في الدنيا لكن ممكن تلاقيه عندة احساس اضعاف اللى انت قولتيه وانا اعتقد ان الحاجة الوحيدة اللى ممكن تخرج الانسان من الدائرة دي هي الصلة بربنا عارفة ليه لان لو كان ربنا اقرب ليا من كل الناس مش هحس ابدا بوحدة او ضيق لان الله هو الوحيد اللى مش ممكن هقدر اخبي عليه اللى جوايا او اقول هكتم ومش هتكلم وتخيلي اننا بننسي نقول يارب في حين انه جنبنا وحاسس بكل اللى احنا فيه وعارف كل حاجة من غير ما نقولو بل بينادي هو بجلالة سبحان الله بينادي علينا علشان ندعوه علشان يستجيب علشان هو الاله واحنا العبيد
والوضع الوحيد للعبيد انها تكون كلمة نتشرف بيها لو كنا عبيد لله والحمد لله على نعمة الاسلام وكفا بها نعمة
طولت عليكي اسف بس مش عارف الكلام دا كله جه منين؟؟ ومرة تانية هابقى اقولك ازاي بحس بكلمة الحمد لله على نعمة الاسلام وخاصة لما شوفت ناس مش مسلمين يعني ديانات غريبة جدااا
يلا سلام وياريت متغبيش كتير كدااا
توقيع
مهاجر الى الماضي
من اجل مصر
شارك في الحملة الشعبية للقيد بالجداول الانتخابية وادعو غيرك
ضع بنر الحملة علي مدونتك
البنر موجود علي مدونتي
اذا كنت ترغب في وضعه علي مدونتك ارسل ميلك كي ارسل لك كود البنر
ارجو المعذرة للدخول بلا مقدمات لأني ادخل علي مئات المدونات يوميا
م/ الحسيني لزومي
مدونة /مواطنون ضد الشعب
لما تكون كل الدنيا هاينه عليك وتحس انك هاين على الناس كلها
يااا
صعب اوى الاحساس ده :(
Post a Comment